this is it

Lalabas na sa wakas ang Patikim sa Nobyembre 18.

Php180 ang presyo ng bawat kopya.

Bahagi ng bawat kopyang mabibili ay mapupunta sa KARAPATAN (Alliance for the Advancement of People’s Rights).

Taong 2006, naging bahagi ito ng 100Zine Project nina Adam David at Carljoe Javier.



Ito ang ginawang front cover ni Adam noong 2006:





Halaw ito sa album cover ng The Velvet Underground:




At ito naman ang ginawa ko noong isang linggo:



Nahirapan talaga akong maghanap ng pulang sili sa google. Kaya kinuha ko 'yung namin ng sukang may mga siling labuyo. Nilabas ko talaga lahat ng mga sili. Hanggang sa makita ko ang siling nagamit ko sa itaas.

Ang siste, lahat ng sili sa bote ng suka ay natanggalan na ng tangkay. Kaya nagbukas naman ako ng ref at natagpuan ko ang mahabang siling green na may tangkay pa. Ginupit ko na lang ang tangkay at isinalpak ko sa pulang siling labuyo saka ko piniktyuran gamit ang aking Sony Ericsson P1i.

Limitadong kopya lang ang ipapalimbag ko sa CentralBooks at paubos na ang kopya kaya kung gusto ninyong magpareserba, mag-email lang sa akosimakoy/at/gmail/dot/com.